వంటగదిలో ఉపయోగించే వస్తువుల్ని శుభ్రంగా ఉంచుకోవాలి. లేకుంటే అతి త్వరగా సూక్ష్మజీవులు వాటిపై చేరి మనల్ని అనారోగ్యానికి గురి చేస్తాయి. ఇంతకీ కిచెన్‌లోని వస్తువుల్ని ఎలా శుభ్రపరచాలో తెల్సుకుందాం.
ఐరన్‌ ప్యాన్‌ను క్లీన్‌ చేయాలంటే సోప్‌ ఉపయోగించకూడదు. ఎలాంటి లిక్విడ్‌నూ వాడకూడదు. నూనె అంటుకొని ఉండే ఆ ఐరన్‌ప్యాన్‌ను ఉప్పుతో క్లీన్‌ చేసుకోవచ్చు. కొన్ని స్పూన్ల ఉప్పును నీళ్లలో కలిపి ఆ నీటితో ప్యాన్‌ను శుభ్రపరచాలి. ఆ తర్వాత మెత్తని టవల్‌తో శుభ్రపరచాలి.
- ఎళ్లప్పుడూ నీటితో తడిగా ఉండే సింక్‌లో మనకు కనిపించకుండా ఆహారపదార్థాల మిశ్రమం, నూనె ఒక పొరలాగా ఏర్పడుతుంది. దీన్ని ఆలాగే ఉంచితే దుర్గంధం వ్యాపిస్తుంది. నిమ్మరసం, వెనిగర్‌, వంటసోడా సమపాళ్లలో కలిపి బ్రష్‌తో శుభ్రపరిస్తే సింక్‌లో దుర్గంధం వ్యాపించదు.
- టీ, కాఫీ తాగే గాజు కప్పులు, పింగాణీ కప్పుల్ని వెనిగర్‌, ఉప్పును సమంగా తీసుకుని శుభ్రపరచాలి. దీని వల్ల వీటిలోపల ఎటువంటి చెడు బ్యాక్టీరియా ఉన్నా పోతుంది.
- must read ఉండ్రాళ్ల తద్ది నోము కథ - విధానం
- జార్స్‌ను క్లీన్‌గా ఉంచాలంటే పెద్దగా కష్టపడాల్సిన అవసరం లేదు. జార్‌లో నీళ్లుపోసి, వంటపాత్రలను శుభ్రపరిచే సబ్బు ముక్క వేయాలి. తర్వాత మిక్సీ ఆన్‌ చేస్తే జార్‌ శుభ్రమవుతుంది.
- హాట్‌వాటర్‌ తీసుకుని అందులో ఒక కప్పు అమ్మోనియా, అరకప్పు వెనిగర్‌, పావుకప్పు బేకింగ్‌ సోడా వెయ్యాలి. ఈ మిశ్రమాన్ని స్ర్పే చేయాలి లేదా మెత్తటి స్పాంజితో ఈ మిశ్రమంతో ఫ్రిజ్‌లోపలి అరల్ని జాగ్రత్తగా క్లీన్‌ చేసుకోవాలి. ఆ తర్వాత సోప్‌ వాటర్‌తో క్లీన్‌ చేస్తే సరిపోతుంది.
- స్టవ్‌పై పాలు, టీ పొంగిపోవటం కామన్‌. ఎంత జాగ్రత్తగా ఉన్నా ఆహారపదార్థాలు స్టవ్‌మీద పడుతుంటాయి. దీని వల్ల స్టవ్‌ త్వరగా పాడైపోవటంతో పాటు స్మెల్‌ వ్యాపిస్తుంది. అందుకే స్టవ్‌ను తరచుగా పాత్రలు క్లీన్‌ చేసే సబ్బుతో లేదా వెనిగర్‌, బేకింగ్‌ సోడా మిశ్రమంను వాడాలి.
- వాటర్‌ బాటిల్స్‌ను శుభ్రపరచాలంటే అందులో నీళ్లుపోసి కొన్ని వెనిగర్‌ చుక్కలు వేసి రాత్రంతా అలాగే ఉంచాలి. ఉదయం లేచాక బాటిల్‌ను షేక్‌ చేసి నీటిని పారబోసి ఆ తర్వాత గోరువెచ్చని నీటితో బాటిల్‌ను శుభ్రపరచవచ్చు.
This is a short description in the author block about the author. You edit it by entering text in the "Biographical Info" field in the user admin panel.
